Praktikat e gjyqësorit kosovar, ku nisin hetimet, ngrihet aktakuzë, dënohet personi në shkallë të parë, dëmtohet imazhi i individit dhe në fund del i pafajshëm, këshilli për Liritë dhe të Drejtat e Njeriut e sheh me shqetësim.
Ky këshill thotë se praktikat e tilla nuk duhet të përsëriten, ngase shpagimi financiar nuk e paguan dëmin moral, familjar dhe shoqëror.
Arian Janova, është shpallur i pafajshëm nga Gjykata e Apelit. Ky organ i lartë i drejtësisë, hedhi poshtë vendimin që kishte marrë Gjykata Themelore e Prishtinës që bëri përgjegjës Arianin dhe disa persona tjetër për vepra që në fakt, dolën se nuk ishin të kryera nga ana a tyre.
Ariani, e priste këtë vendim të Apelit, duke e ditur se akuzat për të ishin të pavërteta.
Për sa vite sa u përball me procesin gjyqësorë, Ariani humbi një vend pune, nuk arriti t`i vazhdojë studimet për doktoraturë, por dëmi më i madh që iu bë është ai moral.
Këtë praktikë të gjyqësorit kosovarë, ku nisin hetimet, ngritët aktakuzë, dënohet personi në shkallë të parë, dëmtohet imazhi i individit dhe në fund del i pafajshëm, e sheh me shqetësime dhe Këshilli për Liritë dhe të Drejtat e Njeriut.
Behxhet Shala, KMDLNJ Shala thotë se praktikat e tilla nuk duhet të përsëriten ngase shpagimi financiar nuk e paguan dëmin moral, familjar dhe shoqërorë. Ndërkohë, prokuroria në një përgjigje dhënë RTK-së, ka thënë se personat e dënuar, të cilët në fund shpallen të pafajshëm është e rregulluar me ligj, shkruan rtk.
Lidhur me kompensimin e demit për personat e dënuar ose arrestuar pa arsye për një ditë qëndrimi në paraburgim, ose arrest shtëpiak, sipas udhëzimit administrativ të Këshillit Gjyqësorë të Kosovës Nr.04/2015, është 6 € (gjashtë euro).