Ish-ushtari i UÇK-së në gjendje të rëndë - Bota Sot
Ish-ushtari i UÇK-së në gjendje të rëndë

Kosova

E shtunë, 16 dhjetor 2017

Ish-ushtari i UÇK-së në gjendje të rëndë

Më: 3 dhjetor 2017 Në ora: 20:21
Gjendja e shtepise se ish- ushtarit te UÇK-se

Edhe pse dikur ishte në radhët e Ushtrisë Çlirimtare të Kosovës, ai nuk po e gëzon të drejtën e pensionit invalidor.

E kjo gjë po i shkakton probleme të mëdha, Milaim Xhaferit nga Hajvalia, të cilit përveç brengës për sigurimin e kafshatës për nëntë familjarët e tij, iu shtua edhe brenga shëndetësore, kjo për shkak të sulmeve në zemër.

Problemet shëndetësore, përveç që nuk po ia mundësojnë të punojë për kafshatën e gojës, po e obligon që të sigurojë barna, që brenda një ditë të vetme kushtojnë mbi 13 euro.

Milaimi po tregon se si pasojë e mykut dhe lagështisë që e kanë ngulfatur shtëpinë, në gjendje të rëndë shëndetësore e ka pasur edhe vajzën e vogël për të cilën tha se më shumë pinë çaj sesa qumësht, pasi që nuk ka mundësi që t’ia sigurojë.

Po ashtu, ai tha se për shkak të gjendjes së rëndë ekonomike është dashur që dy fëmijët e mëdhenj t’iu ndërpres shkollimin.

Fëmijët e tij mbetën me shpresë që një ditë ata do të kenë ushqim dhe veshmbathje të mjaftueshme, sidomos në këtë dimër të ftohtë.

Sot mund të lexoni Shfletoni kopertinat
Sondazh
    test