Në Kosovë u përmbyll java kundër korrupsionit, nëpërmjet së cilës u synua të vihet në pah rëndësia e luftimit të kësaj dukurie për zhvillimin e Kosovës. Zyrtarët ndërkombëtarë bënë thirrje për vazhdimin e reformave, të cilat do të mundësonin luftën më të ashpër kundër korrupsionit, ndërsa autoritetet thanë se janë duke bërë përpjekje të vazhdueshme që të luftojnë këtë dukuri, e cila vazhdon të jetë e përhapur posaçërisht në fushat ku shpenzohen paratë publike.