Sot është betuar kryetari i ri i Skënderajt, Bekim Jashari. Gjatë betimit të tij i pranishëm ka qenë edhe kryetari i komunës së Drenasit, Ramiz Lladrovci.
Ai ka publikuar një foto të Bekim Jasharit në llogarinë e tij në Facebook, përmes së cilës ka thënë se është i lumtur dhe krenar për të, përcjell Bota sot.
“Suksese Bekim Hamzë Jashari, dalsh faqebardhë!” ka shkruar ai në Facebook.
Postimi i plotë:
Sot, gjatë solemnitetit të betimit të kryetarit të ri të Skënderajit, Bekim Jasharit, isha i lumtur dhe krenar. I lumtur për shumë arsye, edhe krenar për shumë arsye.
Lavdia e Familjes Jashari, është e gjithëkohëshme, andaj, Bekim Jasharit i takon sfida por edhe përgjegjësia ta dëshmojë se detyrat atdhetare në liri janë gati po aq të vështira sa sfidat tona të djeshme.
Suksese Bekim Hamzë Jashari, dalsh faqebardhë!
