Erërat e forta dhe shiu që mbrëmë vonë përshkoi Kosovën, kanë lënë mbrapa shumë dëme.
Derisa në disa komuna ka shkatërruar shtëpi e biznese, shumë vende tjera ka lënë pa energji elektrike.
Shembull fshati Krushë e Madhe e Rahovecit, nga orët e para të mëngjesit ka mbetur pa energji elektrike.
Një banor ka thënë se qysh nga ora 5:30 e mëngjesit në Krushë nuk ka rrymë.
“Deri kur KEDS-i do të luaj me nervat e qytetarëve krushjan, atyre që dhanë më së shumti për Kosovën”, ka thënë ky qytetar.
Përvec Krushës, erërat shkaktuan ndërprerjen e energjisë elektrike për orë të tëra edhe në Skenderaj, Decan e Podujevë.