(E plotësuar) - Pas publikimit të rezultateve preliminare të rivotimit për kryetar të Istogut, kandidati i AAK-së Gani Dreshaj ka dalë para simpatizantëve të shumtë të mbledhur në selinë e kësaj partie në Istog.
Dreshaj tha se edhe çdo javë të ketë zgjedhje do ta mund Haki Rugovën ndërsa bëri thirrje të gjithë simpatizantët e tij që mos të bien pre e provokimeve të ndryshme nga tabori i LDK-së.
Ai tha se sot po vjen një Istog i ri ndërsa akuzoi LDK-së se kanë vjedh vota dhe janë munduar të blejnë vota dhe të mashtrojnë madje edhe Policinë.
Dreshaj: Mirë se vjen një Istog i ri
“Ndërrimi I policisë ka qenë shumë e qëlluar I falënderoj shtetin që e kanë bërë një gjë të tillë e kam ditë që kanë ba gjithçka janë në gjendje që me shti konflikt. Sot e keni një liri si arsimtari I komunës sit ë vendos KQZ prej sotit jam i qytetarëve të Istogut kërkoj që qytetarët të ndihen veten të lirë. Një ditë duhet të lirohen… Ky ka me mbet bastion i LDK-së i Ibrahim Rugovës veç është ndërruar kryetari me një udhëheqësi të keqe”, tha Dreshaj.
Ndryshe Gani Dreshaj ka dal me 52 vota më shumë se kundër kandidati i tij nga LDK-ja Haki Rugova.
Drejtpërdrejt nga Shtabi Zgjedhor i AAK-së në Istog (Drejtpërdrejt)
Kandidati i AAK-së Gani Dreshaj ka dalë para Haki Rugovës me 52 vota më shumë.
Në bazë të rezultateve preliminare Dreshaj i AAK-së ka marrë 10 mijë e 241 vota ndërsa kandidati i LDK-së Haki Rugova ka marr 10 mijë e 189 vota.
