Kryeministri Ramush Haradinaj, ka thënë se situate e sigurisë në Kosovë është e mirë. Ai ka thënë se përkundër ngjarjeve të fundit, siç ishte edhe vrasja e politikanit serb Oliver Ivanoviq, gjendja në Kosovë është e qetë.
Haradinaj këto komente i bëri gjatë një konference për media me presidentin e Shqipërisë, Ilir Meta.
Ai komentoi kështu, kur u pyet nga gazetarët lidhur me raportimet se Kosova mund të ketë destabilitet në prag të shënimit të 10 vjetorit të pavarësisë.
“Të gjithë mekanizmat e rendit dhe të sigurisë konfirmojnë se situate e sigurisë në Kosovë është stabile është e qetë. Vrasja e zotit Oliver Ivanoviq është marrë seriozisht nga institucionet e vendit mirëpo nuk ka asnjë paralajmërim për destabilizim në Kosovë. E vërejtët që edhe vizita në e zotit Vuçiq ishte korrekte edhe besojmë edhe porosia nga kjo vizitë është e qartë që përgjegjësitë për të gjithë në Kosovë i ka Kosova. Përgjegjësitë i zotërojmë me kujdes”, ka thënë Haradinaj.