S’ka paqe mes kryetarit të Drenasit Ramiz Lladrovci dhe asamblesitit nga “Vizioni për Drenasin”, Xhavit Drenori.
Në mbledhjen e fundit të mbajtur në Kuvendin Komunal të Drenasit, ka pasur një debat të ashpër mes Drenorit i cili kishte iniciuar një mbledhje të jashtëzakonshme dhe kryetarit të Komunës, Ramiz Lladrovcit.
Kuvendi Komunal me shumicë votash ka votuar kundër mbajtjes së mbledhjes së jashtëzakonshme, ndërsa kjo ka bërë që të ketë debat të ashpër mes Drenorit i cili e ka krahasuar pushtetin e Lladrovcit me atë të Koresë së Veriut.
Në një moment Drenori i ka thën Lladrovcit se ai është në krye të komunës falë presidentit Hashim Thaçi, pasi kryetari i PDK-së Kadri Veseli, sipas tij ishte kundër kandidimit të Lladrovcit.
Pas kësaj Lladrovci i është përgjigjur Drenorit se është në krye të Komunës falë qytetarëve me miratimin e Kadri Veselit.
