Klinika e Otorinolaringologjisë në Qendrën Klinike Universitare të Kosovës, ka pranuar një donacion me instrumente kirurgjike për Kirurgji të Qafës dhe Sinuseve Paranazale, nga “Brother’s Brother Fondation” të SHBA-së.
Donacioni është iniciuar dhe realizuar nga EugeneMyers, nga Qendra Mjekësore Universitare e Pitsburgut SHBA, falë bashkëpunimit dhe mbështetjes të ofruar nga ambasadorja e Kosovës në SHBA, Vlora Çitaku.
Profesor Myers ishte në vizitë në Kosovë dhe Klinikën e ORL-së, vitin e kaluar, në shoqërim dhe përcjellje të Prof. Adem Limanit, ku edhe mbajti një ligjëratë profesionale nga lëmi i Onkologjisë së Kokës dhe Qafës. Që nga atëherë Myers premtoi se do të angazhohet për ta ndihmuar Klinikën ORL-së.
SHSKUK dhe Klinika e ORL-së falënderojnë Myers, “Brother’s Brother Fondation” dhe Ambasadën e Kosovës në SHBA për realizimin e këtij donacioni të vlefshëm.
