Kryeministri i vendit, Ramush Haradinaj i cili po qëndron në Shtetet e Bashkuara të Amerikës ka thënë ka qëndruar me shumë shqiptarët të Amerikës, që sipas tij janë më meritorët për lirinë dhe ecjen drejt konsolidimit të shtetit.
Haradinaj ka thënë se Kosova është me fat që i ka njerëzit e vet në ShBA, të cilët e realizojnë ëndrrën amerikane dhe njëkohësisht e mbështesin fuqishëm atdheun e tyre
Haradinaj ka shtuar se miqësia me ShBA-të është e posaçme dhe për këtë jemi krenarë.
Ky është postimi i plotë:
Në shtëpinë tonë, në Washington, ishim bashkë me shqiptarët e Amerikës, më meritorët për lirinë dhe ecjen tonë drejt konsolidimit të shtetit. Kosova është me fat që i ka njerëzit e vet në ShBA, të cilët e realizojnë ëndrrën amerikane dhe njëkohësisht e mbështesin fuqishëm atdheun e tyre.
Në këtë përvjetor të dhjetë të pavarësisë, takova miqtë tanë nga Departamenti i Shtetit, Këshilltarin për Sigurinë Kombëtare, Herbert Raymond McMaster, Zëvendës Ndihmës Sekretaren, Laura Cooper dhe Drejtorin për çështjet jug-qendrore europiane, Matthew Palmer. Pavarësia e Kosovës është arritur në përpjekje të përbashkëta me ShBA-në.
Miqësia me Shtetet e Bashkuara të Amerikës është e posaçme dhe për këtë jemi krenarë!
RH
