Sot në ambientet e Hotelit “Sirius” në Prishtinë është mbajtur Kuvendi i dytë i rregullt i Partisë Liberale Egjiptiane – PLE.
Ky kuvend zgjedhor u përcjell me diskutime nga të pranishmit rreth pozitës së komunitetit Egjiptian në shoqërinëv Kosovare dhe përgjegjësisë institucionale ndaj komunitetit .
Me prezencë të 109 delegatëve nga degët e PLE-së në Kosovë dhe Diasporë si dhe mysafirëve prezent është miratuar statuti dhe programi i ri i partisë . Me këtë rast me shumicë të votave u ri-zgjodh kryetar i Partisë Liberale Egjiptiane për mandatin 4 vjeqar z. Veton Berisha.
Gjithashtu u miratua përbërja e kryesisë qendrore me 45 anëtar .
Ky kuvend reflektoj me një reformë të thellë të funksionimit të PLE-së për mandatin në vijim .
Kryetari i rizgjedhur z. Veton Berisha u zotua se marrja e mandatit të ri është përgjegjësi për të dhe tha se ai do të përkushtohet duke ndikuar drejtpërdrejtë në ndryshimin pozitiv te pozitës të komunitetit Egjiptian në shoqërinë e Kosovës si dhe duke ndërmarr veprime konkrete për fuqizimin e shtetësisë së Kosovës si dhe ndërkombëtarizimin e saj.
