Ministria e Mjedisit bashkë më organizatën “Ta Pastrojmë Kosovën” kanë hequr mbeturina sot në vendin ku është vendosur pllaka përkujtimore “Eksodi 99”.
Në aksionin e pastrimit ka marr pjesë edhe ministrja Albena Reshitaj, e cila tha se ky aktivitet po bëhet për nder të 10 vjetorit të Pavarësisë së Kosovës dhe se do të vazhdojnë me aktivitete të tilla edhe në vende tjera.
“Ministria e Mjedisit dhe Planifikimit Hapësinor si prioritet e ka ndryshimin e pamjes së Republikës së Kosovës””, tha Reshitaj.
Edhe kryetari i organizatës “Ta Pastrojmë Kosovën” Luan Hasanaj, ka premtuar projekte të kësaj natyre, duke synuar për një vend të pastër dhe duke e cilësuar punën e tillë si një fushatë pastrimi, por që do zgjasë gjatë tërë vitit.
Edhe kryetari i Komunës së Hani të Elezit, Rufki Suma, ka kërkuar nga institucionet e Kosovës financimin e projekteve që mundësojnë pastrimin e vendit.
“Ky është një aksion simbolik, kërkojmë nga qytetarët të vetëdijësohen për ta ruajtur vendin”.
