Policia e Kosovës e ka arrestuar vëllain e Donjeta Pajazitit, menjëherë pasi ka përfunduar seanca ku u shpall dënimi për të akuzuarin.
Vëllai i Donjetës ka përplasur me shqelm derën e gjykatores në shenjë revolte.
Sipas aktgjykimit të gjykatës, nuk është arritur të dëshmohet se i akuzuari, Naser Pajaziti, ka kryer vrasjen e Donjetës, që ka qenë edhe kushërirë e tij.
Gjykata në të njëjtin aktgjykim e ka dënuar Naser Pajazitin vetëm për dy vepra penale te armëmbajtjes pa leje të dy lloje të armëve. Ai për këtë është dënuar me dënim unik 2 vite e katër muaj.
Donjeta Pajaziti disa javë ishte shpallur e zhdukur derisa u gjet e vrarë në bjeshkët e Strellcit të Deçanit.
Për vrasjen e Donjetës dhe zbardhjen e këtij rasti disa herë u organizuan protesta dhe marshe paqësore.
