Përveç, Komunës së Mitrovicës, Kryetari i Lëvizjes Vetëvendosje, Albin Kurti ka vizituar Komunë e Vushtrrisë.
Ai gjatë kësaj vizite është pritur nga kryetari i Vushtrrisë Xhafer Tahiri, zv. kryetari Besim Muzaqi dhe ekipi i tyre.
Postimi i plotë:
Në kuadër të vizitave nëpër komuna të Kosovës, së bashku me deputetin Xhelal Sveçla vizituam komunën e Vushtrisë ku u pritëm nga kryetari i Vushtrisë z. Xhafer Tahiri, zv. kryetari Besim Muzaqi dhe ekipi i tyre. Me ta biseduam për qeverisjen e përbashkët në këtë komunë, sfidat e problemet si dhe sukseset e koalicionit tonë lokal. Në këtë takim nga kryetari u njoftuam me problemet e trashëguara nga qeverisjet paraprake si dhe nevojat e shumta që qytetarët e komunës së Vushtrisë kanë. Si konkluzë e përbashkët doli gadishmëria për koordinim të afërt për qeverisje sa më efektive në shërbim të qytetarit.
Takimet vazhduan me strukturat e Lëvizjes VETËVENDOSJE! në Vushtri, koordinatorin e qendrës Ali Jonuzin, kryesinë e qendrës, drejtorët dhe asambleistët e Lëvizjes VETËVENDOSJE! në komunën e Vushtrisë.
