Ministri i Zhvillimit Ekonomik, Valdrin Lluka, pas situatës së përkeqësuar energjetike, ka thirrur në takim urgjent përgjegjësit e sektorit të energjisë.
Ky takim është duke u mbajtur pas shqetësimeve të ngritura lidhur me ndërprerjet e energjisë elektrike kohëve të fundit.
Të pranishëm në këtë takim janë drejtues të KEK-ut, KOSTT-it, ZRRE-së dhe KEDS-it.Pas këtij takimi pritet të ketë prononcim për media.
Lidhur me ndërprerjen e energjisë elektrike, dje kishte reaguar edhe kryeministri i vendit, Ramush Haradinaj. Ai e ka paralajmëruar përgjegjësi për fajtorët, gjatë mbledhjes së Qeverisë.
