Kryeministri i Kosovës Ramush Haradinaj ka qëndruar sot në familjen e veprimtarit të ndjerë Fehmi Agani për ta ngushëlluar me rastin e vdekjes së Sadije Aganit.
Haradinaj ka shkruar në Facebook se familja Agani është dhe do të mbetet emblemë e qytetarisë aktive për atdheun.
Postimi i Haradinajt në Facebook:
Në vizitë ngushëlluese në familjen Agani, me rastin e vdekjes së Sadijes, bashkëshortes së profesorit dhe veprimtarit të shquar Fehmi Agani, i cili tërë jetën ia fali Kosovës dhe përpjekjeve për liri e pavarësi. Me djemtë e profesorit Fehmi dhe zonjës Sadije, Shpendin dhe Mentorin, evokuam kujtime për prindërit e tyre. Familja Agani është dhe do të mbetet emblemë e qytetarisë aktive për atdheun.
RH.