Nga muaji gusht , Qendra e Thirrjeve në Administratën Tatimore të Kosovës do të fillojë përdorimin e dy moduleve, atë për menaxhimin e jo-deklaruesve dhe për menaxhimin e kampanjave
Sipas kumtesës për media dërguar nga ATK-ja, këto dy module janë zhvilluar nga zyrtarë të teknologjisë informative të ATK-së, bazuar në kërkesat e parashtruara nga Qendra e Thirrjeve.
“Përmes modulit për menaxhim të jo-deklaruesve do të menaxhohen të gjithë tatimpaguesit jo-deklarues për të gjitha llojet e tatimeve, për të cilat kontaktohen nga Qendra e Thirrjeve. Ndërsa, përmes modulit për menaxhim të kampanjave do të kontaktohen tatimpaguesit për çështje të ndryshme tatimore. Zhvillimit të këtyre dy moduleve mundëson caktimin automatik të rasteve të punës për punëtorë, kërkimin e tatimpaguesve përmes numrit të rastit, numrit fiskal, emrit, regjionit, ekipit, statusit të rastit në aplikacion, operatorit, llojit të tatimit, datës e hapjes prej deri, të shohim detajet e rastit, regjistrimin dhe dokumentimin e bisedës me tatimpaguesin etj”, thuhet në një pjesë të njoftimit.
Aty tutje thuhet se Qendra e Thirrjeve është e përkushtuar në përmbushjen e misionit te saj, që të kontaktoj dhe të komunikojë me tatimpaguesit.
