Sekuestrohen 10 kilogramë kanabis

Një sasi bime narkotike kanabis sativa është sekuestruar ditën e sotme në zonën e plazhit të Durrësit. Sasia prej 10 kilogramësh, e ndarë në 10 pako të mbështjella me natriban, u gjet në automjetin me targa TR 7430 E që drejtohej nga 30-vjeçari Robert Cepani, me banim në Sauk të Tiranës, transmeton TCH.

Policia e Durrësit bëri të ditur se mjeti ku u gjet malli i ndaluar lëvizte në aksin rrugor Kavajë-Durrës dhe ishte i destinuar për tregun e brendshëm.

Ndaj Cepanit është vendosur masa e arrestit në flagrancë, ndërsa grupi hetimor ka nisur hetimet për të zbardhur vendorigjinën e bimës narkotike që dyshohet të jetë jugu i vendit, si dhe persona të tjerë të përfshirë në prodhimin e tregtimin e saj.