Mbrëmë, policia e Vlorës ka marrë njoftimin se në fshatin Mallkeq të Komunës Vllahinë dy persona të pajisur me një armë zjarri tip automatik i kanë dalë përpara shtetasit R. C. i cili po lëvizte me automjetin e tij, duke e kanosur, qëlluar me qytën e armës si dhe më pas kur është larguar kanë qëlluar në ajër e më pas në drejtim të tij.
Menjëherë me marrjen e këtij njoftimi është bërë e mundur kapja dhe arrestimi në flagrancë i shtetasve:Hasan Luan Sinaj, vjeç 21 dhe Flori Foto Kapaj, vjeç 23, të dy banues në fshatin Mallkeq të Rrethit Vlorë.
Nga kontrolli i një banese të braktisur ku ata ishin strehuar pas ngjarjes u gjetën arma e kryerjes së krimit një automatik mod. 56 (kallashnikov)si dhe nëj sasi bimësh narkotike “kanabis sativa” të cilat u sekuestruan në cilësinë e provës materiale.
Arrestimi i këtyre shtetasve u krye për veprat penale “Kanosja”, “Prodhimi dhe mbajtja pa leje e armëve luftarake dhe municionit” , “Kultivimi i bimëve narkotike” dhe “Prishja e rendit dhe qetësisë publike” të kryera në bashkëpunim.
Mbrëmjen e djeshme është arrestuar edhe shtetasi Fatjon Kastriot Islamaj, banues në Vlorë. Ky shtetas më datë 31.08.2012 dyshohet të jetë autor i disa vjedhjeve të ndodhur në qytetin e Vlorës.
