Plagoset aksidentalisht një femër

Një femër 27 vjeçare, ka zbrazur aksidentalisht armën e saj të tipit “browning’s” me kalibër 6.35 mm, me ç’ rast një plumb i shkrepur ka goditur këmbën e saj të majtë, duke i shkaktuar plagë depërtuese mbi gju.
Incidenti ka ndodhur të enjten pasdite në rrugën “Agim Ramadani” në Mitrovicë, përkatësisht në një lokal. Zëdhënësi i policisë në Mitrovicë, Besim Hoti ka thënë se viktima është dërguar urgjentisht në qendrën spitalore rajonale të Mitrovicës, ku i është nënshtruar intervenimit kirurgjik dhe mësohet se është jashtë rrezikut për jetë dhe pa pasoja të rënda.

“Veç regjistrimit të rastit si “plagosje aksidentale”, policia ka iniciuar edhe veprimet hetimore dhe paraqitje penale për “mbajtje në pronësi, posedim dhe shfrytëzim të paautorizuar të armës”, ka thënë Hoti.