Një 28-vjeçare nënë e dy fëmijëve të vegjël, është hedhur nga kati i pestë i pallatit ku banonte, ndërsa mësohet se ajo ndodhet në gjendje të rëndë në spitalin kirurgjik të qytetit.
Burime të Policisë bëjnë të ditur se E. Bejleri 28-vjeç nënë e dy fëmijëve të vegjël, është hedhur nga ballkoni i hyrjes në pallatin ku banonte në lagjen “ Haxhias”. Ajo ka dalë nga shtëpia e saj dhe më pas është hedhur nga ballkoni i hyrjes së pallatit.
Policia e ndodhur në vendin e ngjarjes ka deklaruar se shkak i hedhjes së nënës së dy fëmijëve ka qenë depresioni. Prej kohësh 28-vjeçarja vuante nga depresioni natyral, ç’ka shkaktoi edhe hedhjen e saj nga ballkoni i hyrjes së katit të pestë.
Policia ka marrë në pyetje të afërmit e nënës së dy fëmijëve, të cilët kanë konfirmuar për sëmundjen e saj. Mjekët kanë nisur një terapi ndaj 28-vjeçares, e cila aktualisht është në gjendje të rëndë për jetën.
