Vrasje në Ranoc të Klinës - Bota Sot
Vrasje në Ranoc të Klinës

Kronikë e zezë

E mërkurë, 31 gusht 2016

Vrasje në Ranoc të Klinës

Më: 18 janar 2013 Në ora: 12:56

Gjergj J., i lindur më 1961, është qëlluar për vdekje, me armë zjarri, të premten paradite, në fshatin Vranoc të Klinës. Policia ka arrestuar një person të dyshuar. Sipas hetimeve të para, incidenti ka ardhur pas një konflikti verbal dhe fizik ndërmjet të dyshuarit dhe viktimës.

Policia e Stacionit Policor në Klinë, të premten rreth orës 09:10, është njoftuar për një rast të vrasjes në fshatin Ranoc, të komunës të Klinës.

Viktimë e kësaj vrasjeje është Gjergj J. (1961), ka konfirmuar Xhevat Ibra, zëdhënës i policisë rajonale në Pejë. Ai është dërguar nga të afërmit e tij në Qendrën e Mjekësisë Familjare në Klinë, ku një mjek ka konstatuar vdekjen e shkaktuar nga arma e zjarrit.

Njësitë reaguese të policisë dhe hetuesit kanë arritur në vend të ngjarjes dhe kanë arrestuar edhe personin e dyshuar, shtetasin N. J. (1961), të cilit i është konfiskuar edhe arma e zjarrit, për të cilën dyshohet se e ka përdorur në rast, ka bërë të ditur zëdhënësi Ibra.

“Njësitet përkatëse kanë bërë sigurimin e vendit të ngjarjes, përderisa në vendngjarje kanë arritur edhe hetuesit përkatës të Njësitit të Hetimeve Rajonale, dhe nën mbikëqyrje të prokurorit të çështjes kanë filluar këqyrjen e vendit për të mbledhur prova dhe dëshmi rreth vrasjes”.

Sipas hetimeve të para, dyshohet se deri të incidenti kishte ardhur pas një konflikti verbal dhe fizik në mes të dyshuarit dhe viktimës.

Trupi i pajetë, me vendim të prokurorit është dërguar për ekzaminim.

Komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Kush ka të drejtë dhe çfarë duhet të bëj Qeveria me demarkacionin me Malin e Zi?

    Kuvendi duhet ta votojë marrëveshjen për demarkacion me Malin e Zi

    Qeveria duhet ta rishikoj marrëveshjen

    Opozita ka të drejtë që po kundërshton demarkacionin

    Qeveria ka të drejtë për demarkacionin

    Nuk duhet të votohet marrveshja, sepse me demarkacion Kosova humbë tokë

    Shiko rezultatet
test