Policia ka asgjësuar një sasi prej 7.467 bimësh narkotike në Përmet dhe në Gjirokastër.
Nga aksioni policor, u arrestua një shtetas, ndërsa një tjetër u shpall në kërkim.
Forcat blu arrestuan shtetasin Laze Beqiraj, 49 vjeç, banues në Gjirokastër, i dyshuar si kultivues i lëndëve narkotike.
Bimët narkotike janë gjetur në Malin e Gjerë, në vendin e quajtur “Gropat e Fërthit” dhe u asgjësuan me anë të djegies.
Edhe efektivët e Përmetit kanë konstatuar dhe asgjësuar 6.127 rrënjë kanabis në fshatin Bënjë.
Policia ka shpallur në kërkim autorin e dyshuar, shtetasin Agron Xheza.