Një makinë e djegur, tip “Jeep” fuoristradë, është gjetur pranë varrezave të qytetit të Vlorës. Dyshohet se mjeti i djegur është ai që kanë përdorur autorët e krimit mbrëmjen e shkuar.
Nga policia dhe hetuesit dyshohet se objektiv i vrasjes ka qenë Ilir Deromema. Një nga pistat e hetimit është hasmëria, për një vrasje e ndodhur në 1998. Ilir Deromema dyshohet se ka qenë autor i vrasjes së Lame Gockaj.
Policia e Vlorës ka ngritur pika kontrolli në të gjitha rrugët dalëse dhe hyrëse të qytetit, me qëllim kapjen e autorëve.
Një vrasje e dyfishtë ndodhi në afërsi të një pike bastes mbrëmjen e shkuar. Sipas informacioneve, Ilir Deromema, 45 vjeç, banues në Vlorë, pronar i një pike bastesh dhe Dh.C., 60 vjeç, banues në Vlorë, mbetën të vrarë. Nga të shtënat ka mbetur i plagosur edhe një person i tretë me inicialet R.K, 53 vjeç, i cili është në gjendje të rëndë.
