Një shtetase me banim në Madrid është grabitur në Shkodër. Ajo ka bërë denoncim në polici për ngjarjen.
Policia njofton se, 27-vjeçarja E.M., banuese në kryeqytetin spanjoll Madrid, është paraqitur në komisariatin e Shkodrës një ditë më parë. Ajo ka thënë se rreth orës 09:00 të po asaj dite i kanë vjedhur një portofol me 50.000 lekë, dy karta identiteti, dy karta bankash, një kartë mjekësore e një kartë studenti.
Ngjarja ka ndodhur në rrugën Shkodër-Koman te vendi i quajtur “Qafa Laç”, bën me dije policia derisa po punohet për identifikimin dhe kapjen e autorit.
