Një bos droge në Skoci, sapo ka zbritur nga makina e tij tip “Mercedez Benz”, është sulmuar me thikë nga dy agresorë në Edinburg. Sean Lugs McGovern, që njihet si bosi i heroinës në Skoci, u qëllua me thikë në qafë nga dy persona që po e prisnin sapo të zbriste nga makina.
Gazeta britanike “The Mirror” shkruan se McGovern u vu pas agresorëve pas sulmit, por se u rrëzua në tokë pas disa metrash vrapim. Ai është jashtë rrezikut për jetën.
Mediat në vend thonë se bota e krimit është tronditur dhe se “kjo histori me siguri nuk lihet me kaq”.