Dy automjete janë përplasur sot në Uznovë të Beratit. Burimet zyrtare thanë se BMË- ja me targë Tr3454B është aksidentuar me një Volswagen “Caddy” .
Si pasoje 3 persona janë plagosur, ku një prej tyre ndodhet në spital në gjendje të rëndë.
Është dashur ndërhyrja e shërbimit zjarrfikës për nxjerrjen e të dëmtuarve nga makina tip Volswagen pas bllokimit të dyerve.
Autoambulanca i ka transportuar të plagosurit drejt spitalit të Beratit. Në rubrikën “Kallëzo” në tvklan.al ka mbërritur dhe një video nga vendngjarja.
Policia e Beratit sqaron se “u aksidentan dy automjete, konkretisht automjeti me targa TR 3454 B me drejtues shtetasin K.S, 29 vjeç, dhe automjeti me targa AA 056 BO me drejtues shtetasin E.Ç, 20 vjeç.
Dyshohet se si pasoj e këtij aksidenti janë dëmtuar dy drejtuesit e automjeteve dhe pasagjerja shtetasia J.Y, 27 vjeçe, të cilët janë dërguar për të marrë ndihmë mjëkësore në Spitalin e Beratit dhe ndodhen jashtë rrezikut për jetën”
Menjëherë në vendngjarje kanë shkuar shërbimet e policisë rrugore të cilët po punojnë për të përcaktuar shkaqet e këtij aksidenti.
