Ish-gruaja e shqiptarit Avni Metra, i cili pritet të ekstradohet nga Anglia, në një rrëfim rrëqethës për “Daily Mail” tregon se si është përdhunuar për 14 vjet me radhë nga ish-bashkëshorti i saj.
“Burgu është shumë i mirë për një përbindësh si ai”, shprehet 38-vjeçarja Linda Lami për njeriun që akuzohet për vrasje të dyfishtë në Shqipëri.
"Ai duhet djegur i gjallë për vrasjet e tmerrshme që ka bërë”, vijon ajo. Nëna e dy fëmijëve, që tashmë ndan jetën me një partner të ri, thekson se ka qenë objekt i abuzimeve sistematike të bëra nga Avni Matra.
53-vjeçari shkoi në Britani në vitin 1998, një vit pasi vrau dy vëllezër në Shqipëri. Metra u dënua në mungesë për të dy vrasjet dhe akuzën e “mbajtjes së armëve të zjarrit”.
Në gjyq ai ka argumentuar se nuk do të merrte një gjykim të drejtë jashtë Britanisë, ndërsa ka theksuar se jeta e tij në Britani ishte “bazuar mbi një gënjeshtër”.