Një shtetas shqiptar është gjetur i vdekur mesditën e sotme në banesën e tij në Itali.
23-vjeçari me inicialet L.B ishte në arrest shtëpie pasi ishte vënë nën akuzë për përndjekjen e ish-të dashurës së tij.
Ishin familjarët e të riut që lajmëruan policinë, pasi 23-vjeçari nuk po hapte derën e apartamentit dhe as telefonin.
Menjëherë pas alarmit të marrë efektivët u futën me forcë në banesë ku gjetën trupin e pajetë.
I riu shqiptar ishte një emër i njohur për policinë italiane, pasi kishte precedentë për shpërndarje droge dhe përndjekje.
