Policia ka sqaruar se në lagjen nr 18, në Korçë, gjatë një konflikti për motive të dobëta, midis dy fqinjëve, njëri prej tyre ka mbetur i plagosur me thikë.
I plagosuri është M.Sh, rreth 50 vjeç, i cili u dërgua për të marrë ndihmën e nevojshme mjekësore në Spitalin Rajonal të Korçës, ku ndodhet jashtë rrezikut për jetën.
Nga të dhënat e para rezulton se autori i dyshuar i ngjarjes është Skënder Shahinasi, rreth 58 vjeç, i cili ndodhet i shoqëruar në Komisariatin e Korçës. Motivet e ngjarjes, janë ende të paqarta.
Grupi hetimor në vendngjarje, po punon për zbardhjen e rrethanave të saj.
