Në orët e vona të së enjtes, në fshatin Shaptej të Deçanit, dy persona Burim dhe Ragip Ramaj, kanë mbetur të vrarë.
Dorasit janë Durim Lushaj dhe Sali Lushaj nga po i njëjti fshat. Sejdë Dobraj, zëdhënës i policisë për rajonin e Deçanit, ka thënë se policia e ka arrestuar Sali Lushajn, babain e Durimit, kurse ky është në arrati.
Dobraj ka thënë se Sali Lushaj është arrestuar në shtëpinë e tij, sepse ishte i lënduar, ngase në mes tyre dhe të vrarëve Ramaj, më parë kishte pasur një konflikt.
Durim Lushaj është në arrati, ndërsa Policia ka filluar tashmë kërkimet për ta arrestuar.
