Një person është arrestuar nga policia pasi ka qëlluar në ajër më një armë që e mbante pa leje. Ngjarja ka ndodhur në Tiranë në “Rrugën e Elbasanit” pranë “Liceut Artistik”.
Sipas burimeve nga vendngjarja personi ka qëlluar në ajër teksa ndodhej në makinën e tij tip fuoristradë. Mësohet se ai e ka hedhur armën në tokë kur i janë afruar forcat e rendit.
Pranga i janë vënë nga një efektive femër, pjesë e patrullës së forcave Shqiponja.
Ende nuk dihet identiteti i personit dhe shkaqet se përse ai ka ndërmarrë një veprim të tillë.
