Miku i Gani Çelës, 69-vjeçarit të gjetur sot të vdekur me një plumb në gojë në Linzë, rrëfen bisedën e fundit me viktimën, me të cilën kishte pirë kafe mëngjesin e sotëm.
Në një intervistë për “Balkanweb”, miku i viktimës e përshkruan Çelën si njeri të qetë e familjar dhe sqaron se për momentin ka qenë i papunë.
Ai thotë se nuk ka vërejtur ndonjë shenjë apo shqetësim të 69-vjeçarit kur e takoi në mëngjes, përveç ankesës që nuk po i kalonte gripi. “Kam 7 vjet që e njoh”,- thotë ai.
Paraprakisht policia dyshon se kemi të bëjmë me një vetëvrasje.
Po nënën e ka akoma gjallë?
Po, po e ka 94 vjeç
Po bashkëshortja?
Po është e mbajtur, shkon në punë
Po vetë punonte viktima?
Jo, jo
Po fëmijët me çfarë merreshin?
Njërin djalë e ka të martuar në punë, tjetrin kamerier
Po nga gjendja ekonomike si ishte?
Shumë mirë… si është
Po në mëngjes kur pitë kafe çfarë ju tha?
Hiç, ishte me grip e më tha s’po më lëshon gripi. Unë pastaj vajta të paguaja lekët e dritave dhe të bëja Pazar.