Policia e Klosit ka parandaluar një vrasje duke ndaluar në kohë personin që e kishte paralajmëruar publikisht atë.
Burime policore bëjnë të ditur se, rreth orës 17:00 të ditës së sotme kanë ndaluar shtetasin Besnik Marsela, 32 vjeç, i cili më herët gjatë ditës kishte kërcënuar me jetë personin që bashkëjeton me motrën e tij, i identifikuar me inicialet E.H.
I ndaluari pretendon se personi në fjalë, 27 vjeç, ka bashkëjetuar me motrën e tij për katër muaj dhe pak kohë më parë i ka dhënë fund marrëdhënies pa i dhënë asaj asnjë sqarim.
Materialet në ngarkim të shtetasit Besnik Marsela i kanë kaluar prokurorisë së rrethit të Matit, nën akuzën e “kanosjes”.
