Një person është vrarë me armë zjarri mëngjesin e sotëm në fshatin Torovicë të Lezhës. Sipas informacioneve të policisë viktima ka qenë me furgon duke mbledhur qumështin e bagëtive të zonës.
Persona të paidentifikuar i kanë kërkuar drejtuesit të mjetit që të ndalonte por ai nuk është bindur, çka ka bërë që më pas ata të hapin zjarr në drejtim të mjetit, ku mbeti i vrarë edhe personi që ishte në furgon, ndërkohë që flitet edhe për të plagosur. Paraprakisht dyshohet se qëllimi i agresorëve ka qenë grabitja e furgonit.
Policia ka mbërritur në vendin e ngjarjes dhe ka nisur hetimet për zbardhjen e krimit, ndërsa po punohet për identifikimin dhe kapjen e autorëve.
