(E plotësuar) - Moti i keq ka vështirësuar qarkullimin në akset rrugore të vendit. Tre automjete janë përfshirë në një aksident automobilistik mëngjesin e sotëm, në aksin rrugor Pogradec Korçë.
Sipas policisë ngjarja ndodhi në fshatin Petrushë të Pogradecit, dhe nga aksidenti kanë mbetur të plagosur 3 persona.
Në aksident u përshinë mjeti “Ford”, me targa AA 605 EF, me drejtues personin me iniciale B.K, mjeti “Volksvagen” me targa AA 451 LV, me drejtues K.Dh dhe mjeti “Mercedes Benz”, me targa AA 462 HV, me drejtues R.C.
Si pasojë e përplasjes të lënduar kanë mbetur R.C dhe B.K, si edhe një tjetër person ende i pa identifikuar.
Policia ka mbërritur menjëherë në vendngjarje dhe po punon për të zbardhur shkaqet dhe rrethanat e këtij aksidentit.
Një aksident me tre të plagosur rëndë ka ndodhur sot në aksin Korçë – Pogradec pas përplasjes të dy automjeteve.
Të lënduarit janë dërguar në spitalin e Korçës.