Një 29 vjeçare ka rënë në pranga e policisë për kallëzim të rremë, për vjedhjen e 65 mije lekëve të rinj.
Ngjarja ka ndodhur mëngjesin e sotëm në Ndroq, ku sipas policisë rreth orës 04:40, në numrin e emergjencave 112, ka ardhur një njoftim se në fshatin Pinet, Ndroq, në banesën e shtetasit I. Azuni, ku dyshohej se ka hyrë një person për të vjedhur. Sipas kallëzimit që është bërë personi kishte përfituar se i zoti i banesës ishte larguar, ka lidhur të shoqen shtetasen Dalina Azuni dhe më pas ka marrë në banesë shumën prej 65.000 lekësh
Menjëherë në adresën e dhënë janë dërguar shërbimet e Komisariatit të Policisë Nr 6, të cilët kanë filluar kontrollin e territorit dhe mbledhjen e informacioneve për autorët e mundshëm të kësaj ngjarje.
Nga informacionet e marra është mësuar se bashkëshortët Azuni, prej disa kohësh nuk kishin një marrëdhënie të mirë me njëri tjetrin. Duke qënë përpara këtyre fakteve Specialistët e Komisariatit të Policisë Nr 6, kanë filluar hetimin në drejtim të një kallëzimi të rremë dhe nga ku kanë arritur të faktojnë se:
Pas largimit të bashkëshortit të saj, shtetasja Dalina Azuni, dyshohet ti ketë fshehur në një nga dhomat e tjera shumën e lekëve (të cilat u gjetën nga kontrolli i ushtruar nga Specialistet e Policisë pas dyshimeve), më pas ka hapur dritaren e banesës dhe dyshohet se ka lajmëruar familjarët që dikush kishte hyrë në banesë.
Kur kanë shkuar familjarët e kanë konstatuar të lidhur në banesë këtë shtetase.
Nga intervistimi paraprak , shtetasja Dalina Azuni, pranon se i ka bërë këto veprime vetëm për të tërhequr vëmendjen e të shoqit pasi kishte vënë re që kohët e fundit nuk kishin komunikim dhe kishte mosmarrëveshje mes tyre.
Duke qënë përpara këtyre fakteve Specialistët e Komisariatit të Policisë nr 6, kanë bërë arrestimin e shtetases:
- Dalina Azuni, 29 vjeçe, banuese në Tiranë.
Materialet proceduriale i'u kaluan Prokurorisë pranë Gjykatës së Shkallës së parë Tianë, për veprat penale "Kallëzim i rremë" dhe "Njoftim i rremë në organet e rendit publik", parashikuar nga Nenet 305 dhe 272 të Kodit Penal.