Policia e Kosovës sot ka bërë arrestimin e një personi të dyshuar në rajonin e Prishtinës.
I dyshuari i arrestuar , dyshohet të ketë kryer veprën penale ‘keqpërdorim të pozitës dhe autoritetit zyrtar’, i cili dyshohet se ka nxjerrë një vendim të kundërligjshëm për anulimin e një tenderi, që nuk përkon me Ligjin e Prokurimit Publik.
I njëjti dyshohet se nuk i ka përfillur vendimet e OSHP-së, duke lënë kështu pezull procedurën tenderuese. Pas prezantimit të lëndës te prokurori, të dyshuarit i është caktuar masa e ndalimit për 48 orë./BS/