(E plotësuar) - Policia Kufitare e Vlorës sekuestron 7 kg e 200 gr lëndë narkotike kanabis në portin e qytetit bregdetar. Lënda narkotike u gjet në një automjet.
Në pranga ka rënë drejtuesi i mjetit, shtetasi Erjon Mamushi, 30 vjeç, banues në Tiranë.
Policia sqaron se “në Portin e Vlorës, gjatë kontrollit të ushtruar në vijën e dytë është konstatuar një automjet i cili dyshohej se transportonte lëndë narkotike.Gjatë kontrollit të imtësishëm të ushtruar në mjetin tip “Peugeot” me targë AA254PA, drejtuar nga shtetasi i mësipërm, Policia ka konstatuar një sasi me lëndë narkotike me peshë prej 7 kg (kilogram) e 200 gr (gram), e llojit Cannabis Sattiva”.
Lënda narkotike ishte e ndarë në 6 pako, mbështjellë me letër alumini dhe plasmas të tejdukshëm, fshehur në pjesën e poshtme të tranversave të dyerve të mjetit, e cila u sekuestrua në cilësinë e provës materiale.
Policia ka bërë arrestimin në flagrancë të drejtuesit të mjetit, Erjon Mamushit, për veprën penale “Trafikimi i narkotikëve”.
Kapen 15 kg drogë në portin e Vlorës, do transportohej në Itali
15 kg kanabis janë kapur në portin e Vlorës në një automjet, gjatë kontrollit nga policia kufitare, bëjnë sot me dije burime nga policia.
Policia ka shoqëruar drejtuesin e mjetit tip “Peugeot” ku u gjet droga. Lënda narkotike ishte fshehur në traversën e mjetit.
Droga kishte si destinacion Italinë.
