Një 31-vjeçar ka rënë në prangat e policisë së Breshias në Itali pasi në banesën e tij u gjetën dhe sekuestruan 16 kg lëndë narkotike.
Sipas mediave italiane në banesën e 31-vjeçarit shqiptar u gjetën 4 kg kokainë e pastër dhe 12 kg marijuanë. Uniformat blu kanë gjetur edhe 2 pistoleta dhe rreth 600 municione të ndryshme.
Mësohet se shtetasi shqiptar ka qenë një emër i njohur për drejtësinë italiane pasi kishte precedentë të mëparshëm penalë.