Një 25-vjeçar është arrestuar në Greqi si pjesë e një rrjeti të trafikut të drogës Shqipëri-Greqi-Holandë.
Atij iu sekuestruan 79 kg kanabis, sasi droge të cilën po e transportonte me makinë. Droga ishte e ndarë në 12 pako dhe 25-vjeçari e kishte blerë nga trafikantët shqiptarë në Janinë, shkruajnë mediat greke.
Sasia prej 79 kg kanabis e sekuestruar është pjesë e ngarkesës 200 kg që ishte kapur më herët nga policia greke. Droga kishte destinacion trafikimin për në Holandë.