Një 32-vjeçar shqiptar është arrestuar nga policia italiane pasi ka qenë i shpallur në kërkim për trafik të lëndëve narkotike.
Ai ishte pjesë e një bande së bashku me 34 persona të tjerë, që ishin të përfshirë në këtë aktivitet kriminal.
Hetuesit kishin marrë informacione mbi vendndodhjen e shqiptarit që fshihej në një banesë në zonën e Marinos.
Gjatë aksionit për arrestimin e tij, policia gjeti një revolver të 32-vjeçarit, bashkë me 41 plumba.