Policia e Kosovës, ka realizuar një operacion policor në një fshat të Gjakovës, me ç’rast ka bërë arrestimin e dy personave të dyshuar për ‘trafikim me njerëz’, si dhe ka identifikuar dy viktima të trafikimit.
Të dyshuarit e arrestuar në këtë rast janë: Xh. K. dhe F. K.
Të dyshuarit janë arrestuar nën dyshimin e bazuar për kryerjen e veprave penale ‘trafikim me njerëz’ dhe ‘shërbime seksuale të viktimës së trafikimit’.
Me këtë rast dy viktimat e trafikimit, pas intervistimit në prezencë të mbrojtësit të viktimave dhe në prezencë të zyrtarit për shërbime sociale, janë dërguar në qendrën për trajtim të viktimave.
Me vendim të prokurorit kujdestar personat e arrestuar janë dërguar në qendrën mbajtjes./BS/
