Dogana e Kosovës ka arritur të parandaloj kontrabandimin e 2000 litra naftë në rajonin e Mitrovicës. Ata kanë arritur ta ndalojnë një veturë të cilës iu është gjetur një rezervar postfabrikat i mbushur me derivate të naftës.
Sipas një komunikate të Doganës, doganjerët kanë vërejtur një veturë të dyshimtë të llojit Opel Sintra ngjyrë të gjelbër pa targa i cili po lëvizte me shpejtësi nga drejtimi i Zubin Potokut për në Mitrovicë.
“Automjeti i dyshimte ka tentuar që të kthehen në rrugë anësore në drejtim të fshatrave por njësit e doganës kanë arritur ta ndalin. Pas ndaljes dhe hapjes së automjeti brenda është gjetur një rezervar postfabrikat i mbushur me derivate të naftës. Rezervar postfabrikant metalik dhe derivate të naftës = rreth 2000 litra”, thuhet në komunikatë.
Pas përfundimit të rasti vozitësi është shoqëruar dhe është marr në pyetje, derisa mallrat dhe automjeti janë konfiskuar.