“Guardia Di Fianzia” e Leçes në Italia ka arrestuar mbrëmjen e së enjtes një shqiptar e iniciale H.O., (foto) i cili ishte arratisur nga burgu i Porto Azzurro në Livorno, në vitin 2015.
Gjithashtu, ai është arratisur edhe njëherë tjetër më parë nga burgu, në vitin 2009.
Ai ndodhej në burgun e Livorno-s për krime të lidhura me trafikimin e drogës dhe posedim të armëve të zjarrit. Në vitin 2008, është arrestuar pasi u zbulua se ishte “menaxher” i një rafinerie kokaine dhe heroine që u zbulua në një apartament në Pisa.
“Krimineli i rrezikshëm”, siç cilësohet nga mediat italiane, është identifikuar nga autoritet si kreu i një organizate kriminale që merrej me trafikun e drogës në Brianza dhe zonën e Leçes.
Gjatë operacionit të mbrëmjes së djeshme, shqiptari u kap teksa lëvizte me një automjet të fuqishëm tip “SUV”, përgjatë rrugëve të Veronas.
I shoqëruar nga dy gra, edhe ato shqiptare, ai tentoi t’i shmangej arrestimit duke u treguar efektivëve të policisë dokumente italiane false, me gjeneralitete të një hungarezi.
Pasi u vu në pranga, shqiptari u dërgua në burgun e Veronas.