Një 40-vjeçar shqiptar, me banim prej vitesh në zonën e Livornos në Itali, është vënë në pranga pasi është kapur me 7 kilogram drogë të llojit marijuanë.
Shqiptari ishte furnizuar me drogë në Milano, por udhëtimi i tij u ndal pasditen e djeshme në Viareggio, kur policia i gjeti në automjet e sasinë e lëndës narkotike.
Teksa ishte nën drejtimin e veturës së tij “Audi A4”, duke përshkruar autostradën A12, ai u ndalua nga policia. 40-vjecari (identiteti i të cilit nuk bëhet i ditur) u shfaq i sikletosur përballë agjentëve dhe kjo sjellje e tij rezultoi fatale, raportojnë mediat lokale.
Droga u zbulua në kofanon e makinës, dhe vlerësohet se pasi të shitej, do të gjeneronte më shumë se 80.000 euro.
