Liljana Ruko nga Fieri që u vra nga bashkëshorti, para ngjarjes tragjike kishte debatuar për disa minuta me burrin. Sherri mes çiftit ndodhi në sy të dy fëmijëve të tyre në dhomën e pritjes.
“Të lutem mos vazhdo më por qetësohu dhe ta zgjidhim me qetësi këtë punë”, iu drejtua Liljana Ruko burrit të saj.
Ky i fundit iu përgjigj në mënyrë të ashpër: “Goja jote e ndyrë po më shkatërron familjen”.
Më pas sherri degradoi dhe burri zhveshi gruan në banjë dhe e rrihte, para se ta hidhte nga dritarja.
Këto detaje i ka bërë të ditura gazetari i Klan Dashamir Biçaku, i cili shtoi se Ferdinant Ruko e mbajti të varur nga dritarja për 3 minuta gruan e tij. Gjatë kësaj kohe, ajo po i lutej mos ta lëshonte dhe po mundohej të mbahej.