Është grabitur bastorja sportive “Sport life” në rr. “Gjorgji Pop Hristov” në Shkup nga dy persona të maskuar tani për tani të panjohur të cilët me pistoletë nga të punësuarit e kanë marrë fitimin ditor, informon sot Ministria e Punëve të Brendshme në Buletinin e rregullt.
Grabitjen mbrëmë rreth orës 20:30 e ka paraqitur një i punësuar në bastore. Sipas paraqitjes, grabitësit e maskuar e kanë thyer xhamin e sportelit dhe me kërcënim me pistoletë u kanë urdhëruar të punësuarve fitimin ditor ta vendosin në një qese dhe më pas janë larguar. Kanë marrë sasi të pakonfirmuar parash.
Ndërmerren masa për gjetjen e autorëve.
