Dyshohet se përmbajtja e 39 paketimeve është substancë narkotike e llojit marihuanë.
Në një operacion të përbashkët të Drejtorisë për Hetimin e Trafikimit me Narkotik të Prishtinës dhe Policisë Kufitare është arrestuar një person pasi që në veturën e tij janë gjetur paketime me drogë, që dyshohet të jetë e llojit marihuanë.
Gjatë kontrollit të parë në pikën kufitare të Merdarit janë vërejtur paketime të dyshimta dhe pas kontrollit nga Njësia për Hetimin e Trafikimit të Narkotikëve e Prishtinës në veturë janë gjetur 39 paketime me peshë totale 12.6 kilogramë.
Dyshohet se përmbajtja e paketimeve të jetë substancë narkotike e llojit marihuanë.
Kohëve të fundit, Njësia për Hetimin e Trafikimit me Narkotik e Prishtinës ka shtuar masat në luftën kundër drogës.
