Policia kufitaren e Kakavijës ka vënë në pranga një 30-vjeçar, pasi gjatë kontrollit në xhepat e pantallonave kishte fshehur dy qese me kanabis.
Bëhet e ditur se i arrestuari është shtetasi Emiliano Çuko nga Lushnja. Arrestimi i ti u bë pasi një ditë më parë, në pikën e kalimit kufitar Kakavijë, në xhepin e pantallonave iu gjetën dhe sekuestruan në cilësinë e provës materiale 2 qese me kanabis sativa.
Policia ka njoftuar se sasia e lëndës narkotike ishte 50 gramë. Mësohet se materialet i kaluan Prokurorisë Pranë Gjykatës së Shkallës së Parë Gjirokastër për hetim të mëtejshëm në ngarkim të shtetasit të mësipërm, për veprën penale “Prodhim dhe shitje e narkotikëve” parashikuar nga neni 283 i Kodit Penal.
